Sign up with your email address to be the first to know about new products, VIP offers, blog features & more.

النكتة تهجر القاهرة!

ماتت النكتة في مصر، او انها تماوتت فغدت همساً، أو انها تُقال بالإيماء فيفهمها السامعون ولا يضحكون، لان الضحك نوع من “المعارضة”، اما النكتة المعلنة فهي المعارضة الثقيلة، و”الريس” لا يحب النكات..

وفي حين كان الرئيس الراحل جمال عبد الناصر قد أنشأ جهازاً لمتابعة النكات، وكان يضحك لها، ويعتبرها نوعاً من “المعارضة المدنية”، ويُطرب للأظرف منها، فلقد تحولت النكتة إلى تهمة، مؤداها “الاخلال بأمن الدولة” و”القدح والذم والتطاول على شخص الرئيس” كما فهمها انور السادات.

أما في العهد الحالي فان تصرفات “سيده” هزلية، فاذا اضفت إلى حركاته وتعبيراته المميزة وجمله الناقصة، واللوازم غير المسبوقة، و”القفلات” التي تُضحك اليتامى والايامى، أغنت الناس عن التنكيت، وباتوا يتفرجون على تعليقاته المرتجلة وتصرفاته التي تذهب بهيبة الفرعون، سواء في الداخل او في الخارج، وخلال زياراته الرسمية ولقاءاته مع الرؤساء والملوك والامراء والمشايخ.. وصعوده إلى الطائرة لتقبيل رأس الملك السعودي الراحل عبدالله بن عبد العزيز، واستسلامه للرئيس الاثيوبي الذي يحاول تجويع مصر من خلال بنائه “السد العظيم” الذي سيحرم المصريين وارضهم من مياه النيل، او معظمها، وهي هي مصدر حياة اكثريتهم الساحقة.

قال لي احد الظرفاء: اصل كلام سيادته نكتة… بماذا تعلق على قوله مثلا: “لا، الحكاية مش كده.. ما هو يعني اصل الحكاية.. انتو فاهمين قصدي، مش كده…لا، دي مصر ماشية قوي. فاهمين. وانا بعيدها تاني: مصر ماشيه قوي!”.

طبعاً من المغامرة غير مضمونة النتائج أن تسأل، اصلاً، فكيف بأن تسأل: هي ماشية على فين؟

أما أطرف النكات فهي أن يدعي انه “صديق الرئيس الاميركي دونالد ترامب”، وهو ـ ببعد نظره ـ قد التقاه عشية معركة الرئاسة “لأنني كنت متأكد انه سينجح”.

الامر الوحيد الذي يزعج “الريس” أن ترامب لم يحصل على 99% في المائة، مع أن ذلك سهل جداً كما تدل تجربته شخصياً، وهي ديمقراطية بامتياز.. بشهادة العالم اجمع!

الردود: 1
  • ميرهان
    03/05/2017

    ارحم دموعى :'(

    “واحدة كاتبة :
    حاسه اني غلطت في الرئيس السيسي وحبيت اكتب البوست دة عشان اكفر عن ذنبي..
    بص يا ريس انا عارفه انك مكنتش طمعان في الحكم ولا كنت بتتآمر انت والمجلس العسكري ولا خلعت مرسي وواثقه تماما إن يوم 30/6 كانت مظاهرات عفوية ضد الاخوان ومش مدبرة
    زي ما انا واثقه ان 3/7 عودة دولة مبارك! ومكنتش ثورة شعبية وانت قائدها وأنك حميت البلد وانك زي ما قلت اننا نور عينيك ومصر اوووم الدنيا وهتبقي ااااد الدنيا

    بس اللي حصل ان الشعب طلع غبي ومش فاهمك ولا يستاهلك تحكمه ياريت بقي يا ريس لو سمحت يعني تسلمنا البلد تاني بس بالدولار ابو 7 جنيه وبالجزيرتين تيران وصنافير وبالديون الخارجية اللي كانت 35 مليار دولار مش 60 مليار وبالدين الداخلي اللي كان ترليون مش 4 ترليون وبالشباب اللي ماتو سواء مدنيين او عساكر وضباط فى سيناء فى حرب لاناقة لنا فيها و لا جمل لتهجير أهل سيناء و عمل منطقة عازلة علشان خاطر عيون إسرائيل.

    وياريت كمان يا برنس تلغي اتفاقية عنتيبي مع اثيوبيا ! احنا عاوزين نعطش متشغلش بالك وبالمرة كمان تلغي اتفاقية ترسيم الحدود البحرية اللي طار فيها حقول البترول المصرية وراحت لقبرص وخلي حدودنا البحرية سداح مداح احنا هنعرف نرسمها متخفش علينا .

    وياريت بالمرة ترجع لفرنسا الكم طيارة رافال ( أغلى طائرة فى العالم و ثمن الواحدة 100 مليون دولار ) وكفاية علينا ال 16 – F احنا ناس دقة قديمة و مش وش نعمة. و حاملات الطائرات الفرنسية اللى ثمنها 3 مليار دولار اللى ممكن بصاروخ أكسوزيست صناعة فرنسا برضه ( ثمنه مليون دولار بس ) تتضرب فى ثانية.

    اة وبالمرة كدة تفكنا من القناة الجديدة وتردمها تاني وترجعلنا 8 مليار دولار وكفاية علينا القناة القديمة والقرشين اللي بتجيبهم احنا اصلا شعب غاوي فقر.

    اما بالنسبة بقي لمشاريعك الجهنمية اللي بتخاف عليها من الاشرار زي مشروع المزارع السمكية بتاع الجمبري ياريت تلغيها احنا شعب معدته واخدة ع الفول والطعمية والكشري ومنعرفش شكل الجمبري كتر الف خيرك ونوفر الكم مليار بتوعهم يا برنس .

    والمفاعل النووي اللي روسيا هتعملة بقرض طويل الاجل 29 مليار دولار ياريت يا برنس يتلغي هو كمان احنا شعب بتغرق محافظاته من شوية مطر والناس بتموت في الشوارع غرقانة او متكهربة من تهالك البنية التحتية مش ناقصنا مفاعل نووي يمحينا من ع الخريطة.

    اة وبالمرة يا ريس وانت ماشي تبقي تروح البنك هنرجعلك تحويشة عمرك اللي كنت اتبرعت بيها اول اسبوع مسكت البلد خليهم معاك تصرف منهم. وبالنسبة لقرض صندوق النقد تبقي رجع للناس فلوسها دي حتي فلوس منظورة ومش محتاجينها.

    وحاجة اخيرة يا ريس ياريت كمان وانت ماشي تبقي تاخد معاك الارهاب المحتمل في ايدك عشان ملهوش مكان في مصر بعدك ….”

    منقول

شارك رأيك

Your email address will not be published. Required fields are marked *